陳鈺芸打女變辣妹
武打女星陳鈺芸（JuJu）自從「打」出香港後，經常要到內地工作，令到向來極少吃辣的她也愛上了辣，她說：「我皮膚唔係咁好，所以平時都好少食辣嘢。最近成日去內地唔同地方做嘢，食物比較重口味，幾乎味味餸都辣，反而訓練到我食得更辣！」
JuJu常到處品嘗正宗地道菜，最近她發現一家充滿古代氣息，又能一邊欣賞維港景色歎京菜的餐廳：「我極力推介兩道招牌菜，『京城羊肉』同『大紅燈籠高高掛』。其實我好怕羊嘅羶味，但呢道菜完全冇，仲保持羊肉味！」續說：「而另一道係炸軟殼蟹，外脆內軟，好有蟹肉鮮味。」
JuJu除了是打女，亦是一位才女，去年推出的《點菜英文》已出第二版，非常大熱，相信她一定會繼續介紹美食給大家！
場地：胡同