阿Sa喊唔停 唸經悼愛犬
蔡卓妍（阿Sa）昨日與鄭伊健出席「HPV疫苗」活動，日前痛失愛犬的阿Sa眼腫腫現身，專業的她收起傷痛在台上笑住與伊健齊齊進行「篤波」儀式，受訪初期阿Sa仍能保持笑容，但當提到愛犬病逝，她即不禁淚流滿面，要多次停低抖大氣兼轉身抹淚，場面傷感。
伊健籲樂觀面對
阿Sa直指愛犬已十多歲，去年已飽受肝硬化之苦，她說：「雖然有心理準備，不過一講就忍唔住，已經盡量唔想諗，所以呢幾日工作排得好密，嚟緊會火化，都有幫佢唸經。」問到男友陳偉霆有否陪她？阿Sa說：「佢喺上海，佢隻狗月頭都因為cancer走咗。」
至於在電影《3D豪情》中慘遭好友杜汶澤取笑「平胸」，阿Sa說：「大家睇完就會跌眼鏡，真係只此一次。（裝假胸？）總之好勁啦！」而伊健亦叫阿Sa樂觀面對：「（寵物）要走都控制唔到，當年我望住隻狗打針（安樂死）好難受，依家有3隻貓，盡量錫佢哋多啲囉。」
採訪：音樂組