娜姐搵風水屋「要旺健康」

昨日《好報》披露吸金冇停手、早前以2,000萬跟蕭定一簽電影合約的周秀娜，有見樓市升勢暫緩，實行重錘出擊，有意掃多個物業投資。日前《好報》拍得娜姐現身風水好的跑馬地，到市值約4,000萬元的紀雲峰千呎單位睇樓盤，接着到張衞健及張智霖早前先後買入的同區雲暉大廈，睇實用面積1,500呎、市值約4,200萬的中層單位。

與父母同住

昨晚近七時，本報又拍得娜姐在跑馬地出動，她在兩名朋友及地產經紀陪同下到永光苑睇樓盤，離開時娜姐更友善地向記者說：「小心睇路！」永光苑樓齡17年，盡覽馬場全景，據知娜姐睇的是實用面積679呎的單位，市值約1,500萬。

日前於雲暉大廈的單位內，娜姐對景觀與大床都研究了一番。

娜姐（右）先到紀雲峰睇樓盤。

昨日娜姐接受本報電話訪問，直言有意做業主，並對張智霖早前購入的雲暉大廈甚感興趣：「我覺得OK，交通方便、地段好、單位夠大。我係同父母住，所以要問佢哋意見。」

睇完樓，娜姐又到燈飾店行逛。

《好報》昨日報道，娜姐有意購入值四千萬的物業。

認賺咗唔少

對於有相士指跑馬地旺娜姐事業，她說：「睇樓都要睇風水好唔好，同埋畀八字師傅睇夾唔夾，（要搵旺財屋？）因為同屋企人住，健康緊要啲。」對於被指吸金有道，買豪宅又睇名貴燈飾，娜姐謂：「搵幾多冇刻意計，咁多年當然搵咗唔少，其實都係多有多使，少有少使，總知使錢地方使得啱就得。」

文：專案組

攝：追蹤組