董嘉儀關島拍片嗌好玩

「大埔LuLu」董嘉儀早前與藝人楊潮凱及杜小喬齊飛關島拍微電影，活潑可愛的她，在關島的陽光下顯得特別甜美！以背心短裙少女造型上陣的LuLu笑稱：「夏天嚟o架嗰度！」第一次到外地工作的她興奮稱：「凌晨五點就去到，日日拍成12個鐘，雖然攰不過好開心！」
董嘉儀熱愛關島的陽光與海灘，大讚環境夠舒服。
董嘉儀熱愛關島的陽光與海灘，大讚環境夠舒服。

LuLu更大讚關島環境舒服又好玩：「嗰度係出名嘅婚禮同度蜜月勝地，不過其實自己同一大班朋友去都得！我最鍾意嗰度嘅沙灘同文化表演，有啲大叔會唔着衫，淨係有塊嘢包住，好似相撲手咁樣跳傳統舞蹈！」她更大談合作對手：「小喬比較靜，我就多嘢講，阿凱就好幽默！」笑言這個不同性格的組合很有趣！

左起：董嘉儀、楊潮凱及杜小喬因拍攝微電影而擦出火花。
  • 左起：董嘉儀、楊潮凱及杜小喬因拍攝微電影而擦出火花。