Amanda S.求B心切考慮試管嬰

Amanda S.以大露背裝上陣，十分性感。

名模Amanda S.於2011年結婚後一直渴望造人，但只聞樓梯響，未有成功。前晚她出席活動時，談到近日混血索模Cara G.已為人母，誕下了B女？她即一臉羨慕說：「真係good news！（幾時到你？）我自己就未懷孕，其實懷孕唔係一件容易事，我依家都仲好忙，嚟緊又要開新舖！」記者問她會否擔心自己不育？她否認其事，並略帶投訴說：「我生到BB，但每個月只見到老公兩日，咁可以點呢？我個電話都裝咗個可以check排卵期嘅程式，不過始終都有壓力，其實最好真係出trip造人，（考慮試管嬰兒？）遲啲先，如果第日真係生唔到，我都會試，有得揀時，自己就想揀生女。」

樂基兒豐滿咗

而同場嘉賓有名模樂基兒（Gaile）與Ana R.、名媛何倍倩及潘楚穎等，其中Gaile穿着白色連身裙現身，露出性感事業線，問她是否上圍豐滿了？她笑說：「唔係，只係食多咗，我肥咗5、6磅，（開心所以肥？）係因為多嘢做，之前成日要對住部電腦，食多咗零食！」她自言現在不用走天橋，故此不用節食減肥，十分輕鬆！談到其自家設計的首飾品牌，Gaile指現時還是試驗階段，明年會推出情侶系列，至於男友可有參與設計？她即醒目地說：「我唔知，逼唔到我講！（你嘅設計靈感係關於愛？）我靈感來自好多博物館同教堂，冇愛嘅元素！」果然口密。

樂基兒肥咗5、6磅，看來豐滿不少。

何倍倩貫徹淑女風範。

文：名人組

Ana R.容光煥發。

潘楚穎一身簡約打扮。