雨僑滋潤羅力威皮膚唔dry

雨僑近年榮升美容達人，先在網站教人化妝，接住研究面膜，早前到美國登台的雨僑對一隻白金面膜讚不絕口：「呢隻面膜搽完落去就可以成塊搣走，方便兼吸收，加上白金可以抗氧化同美白。（喺飛機敷面膜？）係呀，唔會理人點睇，十六個鐘頭喎。」

飛機上敷面

問到擔不擔心被人偷影？雨僑說：「唔會理人哋目光，坐我隔籬左右嘅人都識，冇乜所謂。（要靚唔要命？）係，我都唔要面，好多時都喺化妝間敷面膜。」她坦言在飛行時間要顧及別人對她的睇法感辛苦：「如果要理人點睇，而令支持我嘅人失望，我寧願畀人睇敷面膜樣都唔想畀人睇到個樣唔靚。」

雨僑愛鑽研保濕面膜，早前到美國登台更對一白金面膜讚不絕口。

放大圖片

氹用護膚品

問到有否為緋聞男友羅力威敷面膜？雨僑沒有正面回應，直指男人不貪靚：「男人會厭煩，要佢哋用啲起泡洗面同搽嘢，好似要氹咁。（會唔會搵羅力威做白老鼠？）佢皮膚太好喇。（唔理佢？）佢都唔係好乾，唔使特別操心。」即被取笑經常給對方滋潤？雨僑否認說：「咁又冇。」

文：音樂組