楊愛瑾收男友冧卡感動到喊
楊愛瑾（Miki）與永安百貨太子爺男友郭永淳感情穩定，今日是白色情人節，Miki坦言男友是踏實型，雖然不太浪漫，但兩人會在不同節日寫卡冧對方，並承認曾被男友的文字感動得淚流滿面。
楊愛瑾近年專心工作，甚少將感情事掛在嘴邊，情人節出生的她，笑言很少與男友郭永淳在情人節正日慶祝。被取笑男友唔夠浪漫的Miki，即維護對方說：「因為我鍾意食嘢，對食嘢要求高，唔鍾意食情人節套餐，又貴又冇我最想食嘅嘢，通常訂枱都係要食Set。」問到最難忘情人節是否收到巨鑽？Miki沒好氣說：「冇呀。」
收禮物似尋寶
Miki又憶述舊愛當年炮製驚喜過程：「入門口見到張字條，寫咗好冧說話，下句就叫我去另一度地方，好似尋寶咁，最後搵咗六、七個地方，份禮物就係喺嗰度，佢好鍾意寫嘢，成日寫信畀我，之前搬屋睇番覺得好得意。」
想日本度佳節
問到不怕現任男友呷醋？Miki說：「唔會啦，咁大個人。（依家男友唔寫信？）唔會。（直接講我愛你？）依家咩節日都寫卡，我覺得寫卡緊要過一份禮物，卡令大家了解多啲，睇卡試過感動到喊，有時少少嘢勝過名貴禮物，有時覺得名貴禮物冇乜用，除非件嘢有意思。」Miki表示也希望明年可以到日本過一個白色情人節，相信會好浪漫。
文：火品木
攝：樊愛慈
服裝：Snidel 場地：海港城
髮型：Vince@IL Colpo Platinum
化妝：Francis Ho@Jessicachan Make-up Workshop