Mr.闖台灣同居爆怪癖

Mr.在台灣生活10個月，並拍攝紀錄片，希望向歌迷呈現最真實的一面。

期待以久的Mr.首張國語專輯《飛行的一百個理由》即將推出，今次是五子去年衝出香港飛到台灣實地生活十個月，打造的五子的音樂世界之餘，更以紀錄片形式拍攝五子從台北走到台南，再到宜蘭於同一屋簷下的生活點滴。五子表示：「Mr.出道呢幾年可能畀人覺得好商業，搵錢拍廣告，其實我哋唔係，但講係冇用，不如就拍部片，畀大家睇我哋Mr.係咩人，可以披頭散髮全程照拍，就係睇我哋最真實一面，唔需要去包裝任何嘢。」

五子坦言今次是五個人第一次共同生活在一間屋內，正所謂相見好、同住難，一定會有拗撬，每個人生活習慣不同，在磨合和摩擦內面一定有好多事發生，所以，紀錄片裏都會剖白他們相處過程中發生的不悅或有所領悟。

Mr.將推出首張國語專輯《飛行的一百個理由》。

首次生活在同一屋簷下的Mr.互爆怪癖。

睡前聽靈異節目

至於五個人四間房關係，成員Tom和MJ被安排同房，亦因為10個月的「孖鋪」日子，Tom便發現MJ有怪癖，Tom笑言：「MJ真係好怪喎，我留意到佢一定要聽靈異節目先瞓得着，佢冇逼我聽，都係戴耳塞聽，只不過我有次都話不如一齊聽啦，聽聽下見佢打晒鼻鼾瞓咗，咪幫佢熄機啦，點知一熄就彈醒，要我開番佢好搞笑。」而MJ解釋自己對UFO及靈異故事好有興趣，只可惜一次都未 給他遇上過。

文：音樂組