霆鋒巴黎返港 菲常高興
謝霆鋒和王菲這對舊情人，本來藉好友趙薇生日，令同處巴黎的兩人來個相隔十年的世紀重逢，天時地利人和樣樣齊，可惜最終仍是緣慳一面！不過昨日返港的霆鋒依然「菲」常高興，每當聽到「菲」字時更是忍不住內心的喜悅，看來兩人的世紀重逢只是早晚的事！
霆鋒早前邀請趙薇同赴法國巴黎，為其主持的飲食節目《十二道鋒味》做嘉賓。有傳前日生日的趙薇藉生日為名，讓霆鋒和同樣身在巴黎的舊愛王菲再次碰面，可惜王菲早於11日已率先返回北京。昨晨約8時半，霆鋒在經理人霍汶希（Mani）和助手等人陪伴下返港，戴黑超和耳筒掛頸的他明顯心情不俗，出閘後一直笑容滿面，更不時和記者講笑。問他有否和趙薇食生日飯兼送禮物？他笑笑口反問：「算唔算呢？」
否認怕栢芝不開心
問霆鋒可有與王菲重逢？他即擰擰頭，然後笑晒地以口形「冇」作回應。再問他今趟旅程是否「菲」常開心？霆鋒忍不住笑了出來，並說：「晨早流流問埋啲衰嘢，唔答呢啲嘢。」他又否認因怕前妻張栢芝不開心才避談：「係我唔想答，唔關其他人事。」再追問他有否和王菲見面時，他不怒反笑，更抵死地說：「呢啲嘢唔答，你都傻真係，以為換咗啲字眼我就會答？」那今趟旅程是否「菲」常開心和「菲」常累？他笑笑口未有回答，此時Mani終開口為他擋駕：「問吓其他嘢啦！」不過心情大好的霆鋒即說：「有咩問啦，佢哋一早8點幾嚟到等。」
另外，有指霆鋒母親狄波拉在新加坡有物業，問霆鋒知不知媽媽是否為了方便探一對孫仔？他謂：「問我阿媽啦。」但未有回答自己會否去新加坡和探望一對寶貝仔。
文：音樂組