李嘉欣畀仔嫌唔靚
大美人李嘉欣（Michele）昨日出席活動，同場有郭錦恩及女兒Red，Red更即席表演芭蕾舞，同場還有馬詩慧及女兒王曼喜等。Michele喜獲大會送上由她的兒子許建彤（Jayden Max）親自挑選顏色的鞋履。她大爆Jayden最近愛黐爸爸許晉亨多於自己，問到她會否呷醋？她說：「Jayden病咗，今朝我同佢睇醫生，佢（許晉亨）今日做嘢好忙，都特登趕嚟診所畀驚喜我哋，抵Jayden錫佢，Jayden病咗，佢好緊張。其實我都有唔舒服，不過冇人問過我。（有冇向老公投訴？）冇，慳番啖氣好啲，依家要教仔，唔好動不必要嘅氣。」
李嘉欣透露Jayden開始有點反叛，不但有主見，又會堅持自己的原則，更斗膽跟她說覺得同學比她漂亮！她說：「之前佢生日，會場嘅裝飾氣球印咗我同佢同學嘅樣，佢話同學靚過媽咪好多。雖然爸爸都有即刻幫口話『impossible（冇可能）』。（嗰個同學咩樣？）可能佢鍾意青春，媽咪始終係媽咪，平時喺屋企紮住頭髮又素顏，可能佢唔欣賞。」
