林峯絕緣佘詩曼無癮
林峯自嘲年紀大記性差，沐浴愛河的他完全忘記後日是白色情人節，不過他坦言與女友吳千語喜歡互送DIY禮物。眼中只有千語的他，日前與曾傳緋聞的佘詩曼及「生電王」貝安琪開工，期間甚少交流，鏡頭後亦只顧講電話，令阿佘非常無癮。
林峯、沈震軒昨日到西九龍中心為無綫新劇《使徒行者》拍攝外景，劇中飾演臥底的林峯以波斯密碼傳遞情報，他笑說：「唔知係咪年紀大咗，依家記性冇以前咁好。（因為捱夜太多有影響？）唔係，呢套劇安排得好好，又有幾條線所以夠時間休息，都係一兩日緊湊啲！呢排多數喺深水埗開工，梁烈唯都帶我周圍去食地道嘢，但係都要控制食量，唔可以食咁多。」
忘記慶祝白色情人節
不過林峯記性似乎真係麻麻，竟忘記後日是白色情人節，他直言：「我真係唔記得咗，如果唔使開工咪同女朋友食飯慶祝，之前情人節都咁啱要開工。」問到林峯會否效法黃曉明送跑車給女友製造驚喜？他說：「我哋鍾意玩心思，送要準備好耐嘅嘢多啲，可能整手工嘅禮物，佢送畀我嘅手工禮物就犀利好多。」他又指新劇有不少動作鏡頭，雖然未學過功夫，但有跳舞底子也容易上手。
另外，該劇日前亦在九龍城拍外景，講述林峯駕車載着阿佘與貝安琪，其中一幕貝安琪出手阻止一名外籍男士向車內的阿佘及林峯舉槍。現場所見，林峯與過氣緋聞女友阿佘甚少交流，與貝安琪更是零接觸，只見他不停講電話及按手機，未知是否向女友報行蹤。
文：影視組