馬國明怕凍唔恨啜楊怡
無綫藝人馬國明與楊怡昨日於電視城為新劇《官場浮世繪》開工，馬國明希望與老拍檔楊怡的水底接吻戲能待天氣回暖一點才拍攝，而近日《官》劇頻頻外景接廠景，令他忙得不可開交，未有時間搵外快及踢波。
對於胡杏兒於網上發布攬仔整蠱照後遭網民鬧爆，馬國明表示不知情：「講下笑無傷大雅，唔使太認真，李思捷係『玩嘢王』嘛！但我尊重網民，我個人嚟講就冇乜所謂。」而楊怡為配合劇集，在額上特別加上一條青筋，她笑謂：「因為講我經歷咗啲事而大受刺激，同埋今次要打，好在我唔係武功蓋世，唔使吊威吔，所以熱身之後都OK！」