莊思敏不滿咒人 聽完得啖笑

預言家朱瑟里諾預測成龍於本年至下年會獲更多獎項，又叮囑他在2016至2017年間乘飛機要小心。自認迷信的莊思敏對此表示得啖笑，因為聽聞過的預言也未有發生。她謂：「都唔知邊個講，大吉利是咩！唔好講呢啲嘢引人不安，好似咒人咁！（如果講你會避免搭飛機？）冇得避咁多，自己盡量唔聽囉，又唔知係咩人講，睇完一笑置之就算，尤其唔識嘅人衝出嚟講就更加唔使理。」身為UFO迷的雨僑亦不信朱瑟里諾，認為許多預言家都是馬後炮：「叫成龍小心搭飛機，同叫人過馬路小心冇分別，搭飛機點小心都冇用，好多時都係突發。」