蔡太為乖孫 建兒童樂園
「玩具大王」蔡志明太太蔡李惠莉大談抱孫的喜悅，揚言已計劃為年尾出世的首位內孫建兒童樂園，又恨出口望孫仔孫女愈多愈好，而她亦指生男孫女孫都咁開心。
富豪蔡志明孻仔蔡加讚去年迎娶汪圓圓後，兩人火速造人成功，現已懷馬B逾3個月的圓圓，年尾將為蔡家誕下首位內孫，昨日蔡加讚母親、保良局副主席蔡李惠莉、何鴻燊四太梁安琪、歌手杜德偉（Alex）、洪卓立、小肥及女子組合Super Girls齊出席保良局「點滴創明天」慈善嘉年華籌款活動，將榮升嫲嫲的蔡李惠莉笑容滿面，問她可為BB改名？蔡太表示：「依家諗緊未定，仲有好多時間，（係咪鼓勵新抱圓圓生多幾個？）咁應該唔只一個。（有咩獎勵新抱？）我成個乖仔獎咗畀佢啦。」她又說男孫女孫都無所謂，最緊要BB健康，已計劃建兒童樂園給未來乖孫玩。
蔡太又謂因加讚的新居正裝修，故兒子、媳婦回大宅同住，而圓圓身體不錯，只是間中作嘔，暫時未知新抱留港還是到外國生產，不過她覺得在港生最好，指丈夫也很開心，因家庭將變得更熱鬧。
杜德偉否認欠債
另外，日前跟台灣前經理人發生合約糾紛及遭追討約513萬港幣錢債的Alex，以「離婚夫婦」來形容跟前經理人的關係，他說：「因了解而分手，離婚時都係難過，可能佢接受不到『離婚』呢個心情，對報道所講嘅嘢，我唔作任何回應。」問可會告對方誹謗？Alex則說：「無論佢講幾多嘢傷害我，我都唔會講嘢去傷害番佢。」並否認欠前經理人錢。另外，同場的Super Girls穿熱褲表演跳舞，隊長Aka彎低身時不慎走光。
文：音樂組