秋生寸阿澤冇朋友

影帝黃秋生昨日出席舞台劇分享會，提到他與杜汶澤在網上展開罵戰，秋生說：「佢話人無知、冷血，佢乜都知，又好熱血咩？（佢容忍唔到你。）佢容忍我啲乜呀？（反面？）有咩面好反？」

問到秋生與阿澤是否朋友？秋生說：「邊個同佢係朋友呀？呢行有幾多個係佢朋友？我係最後一個離開佢。以前我對佢幾好，當然佢可能唔覺得。知唔知以前幾多人包容過？依家唔再包容佢，睇嚟佢唔知。」他強調是對事不對人。