軒仔自認皇帝蕉 阿Sa嘲夠短

蔡卓妍、張敬軒、胡杏兒及吳卓羲等昨晨出席慈善單車挑戰賽活動，阿Sa透露今日為新片《雛妓》開工，戲中有床戲及性感演出：「係唔露骨，意識大膽，都要除衫，但唔係拍AV嗰啲。」軒仔則笑稱今期流行除衫，稍後參演舞台劇《戀馬狂》（Equus 馬）的他，透露剛拍畢全裸「冇格」海報，本月中會在巴士站曝光，並笑謂：「當然唔係正面啦，係背面睇晒。（唔驚畀人禁？）係為藝術犧牲，同Karen（莫文蔚）差唔多，成個側面。（有去練『股』？）以前係潛力股，練咗兩個月變優質股。」

怕嚇親媽咪

雖然軒仔坦言怕嚇親媽咪，未有膽通知對方拍全裸照，但他強調此劇行高雅路線，自稱「冇偶像包袱」，他表示公演時不介意裸露，不過在旁的阿Sa嘲笑說：「我介意呀，好驚！」軒仔表示裸露戲並非賣點，記者卻笑指是個焦點，阿Sa即大灑鹽花：「係一隻蕉個『蕉』！」 軒仔口快快自稱「皇帝蕉」，豈料被阿Sa抵死反駁兼用手比畫：「皇帝蕉咁（短）咋喎！」軒仔惟有尷尬笑稱：「冇話係我喎！」場面惹笑！

吳卓羲（左起）、胡杏兒、阿Sa及張敬軒為慈善晨早出席活動。

吳卓羲與胡杏兒自拍鬥萌。

提到曾參演該劇的「哈利仔」丹尼爾烈格夫（Daniel Radcliffe）有全裸演出，軒仔直言與英國版本不同，又盼憑該劇角逐本年舞台劇專業獎項，他說：「英國版本有性愛場面兼男女全裸，但今次個台270度未必就到位，加上對手係方皓玟，所以排咗戲先可以衡量吓個尺度。」

唔羨慕Baby

對於Angelababy獲黃曉明送跑車，陳偉霆（William）則讚阿Sa簡單，又揚言願送樓給對方，阿Sa直言好Sweet，並指兩人一起做簡單事便很開心。問到會否羨慕Baby似拍偶像劇？阿Sa笑道：「我都拍咗好多偶像劇，經歷過好多次，冇話羨唔羨慕，大家開心方式唔一樣。」

文：影視組