阿詩甩底鄧九雲傻笑

何韻詩緋聞女友、台灣藝人鄧九雲專程來港出席前晚的派對活動，她表示第二天便要回去。其實她跟阿詩戀情已逐漸浮面，早前就有網民拍得二人在香港茶餐廳共膳的照片，雖然照片中阿詩只得背面，但阿詩曾戴上同款冷帽拍照，揭露了相中人便是阿詩，問到有否約阿詩食飯？鄧九雲即不停狂笑說：「聽日（昨日）會去睇韋羅莎嘅戲。（阿詩都會去？）會去呀。」提到有傳她在日本慶祝生日，她就否認：「生日喺台灣過，同屋企、朋友一齊。（包括阿詩？）好多朋友一齊玩。（有冇只係兩個人過？）冇，我鍾意同朋友、屋企人一齊過。（阿詩幾時可以成為你嘅屋企人？）咁要問佢，主持嘅唔係我。」

開心詩迷撐

問到她生日，阿詩有何表示？她表現得不欲多談：「朋友送咗好多禮物同祝福。（阿詩送咩？）生日快樂呀！」講到早前有粉絲在澳洲買下巨型廣告板替偶像阿詩向她示愛，她表示不知道：「多謝你講畀我知，係咪一場誤會，我返去睇睇。（阿詩粉絲接受你，會唔會好開心？）任何人鍾意自己都開心。」提到最近她在微博展示的故事書，她表示這是很多朋友一起送的。當記者再問有關阿詩的問題時，她顯然不太耐煩：「今日我係嚟參加活動，問呢啲有啲多咗。」而問她與阿詩誰酒量好時，她說不會比較，因她們從來都不會喝醉。

阿詩竟然甩底冇陪鄧九雲睇舞台劇。（資料圖片）

鄧九雲沒有受訪，買票即匆匆入場。

派助手相陪

昨日鄧九雲與三名女友人現身大會堂看舞台劇，但卻未見阿詩蹤影，由於舞台劇三點開場，素顏的她開場前十分鐘到，同行其中一位女友人據知是阿詩助手。她被問到為何阿詩沒有同行？她會否感失落？是否因工作忙不能來？是否為阿詩已來了香港一段時間？她都沒有回答，只是邊行邊不停傻笑，直至走到backdrop前才停下來拍照，並即場買票和付款，但依舊未肯開「金口」受訪就匆匆入場。

文：名人組