葉翠翠走出抑鬱 拍拖預埋老竇
藝人葉翠翠、馬浚偉、麥長青（麥包）、龔嘉欣、樂瞳、唐詩詠及李綺雯等昨日為劇集《守業者》宣傳，適逢昨日為3．8婦女節，眾人向婦女派發玫瑰花。
早前喪母的翠翠心情已平復不少，因其父不時哭泣，令她亦不禁落淚，翠翠承認媽咪離世後精神上曾出現問題：「過咗去啦，依家好好多，初頭覺得自己有少少抑鬱，到媽咪出殯後就好好多。（留多啲時間畀家人？）我唔會刻意唔開工，但會刻意唔出街！」
馬浚偉麥包闢謠
現在翠翠會多點與家人一起，爸爸會煮早餐給她吃，又問長問短，儼如「管家佬」，問她是否像多了一個男友？翠翠說：「我會盡量滿足佢，就連同朋友食飯，爸爸都會坐喺另一枱。（若果拍拖豈不是唔可以二人世界？）自己爭取啦，不過男方應該唔介意。」
同場的馬浚偉被指與麥包不和，但二人卻搭肩拍照，以行動打破謠言，他說：「阿包（麥包）都有打畀我，叫我有心理準備，我就冇所謂，就算有人唔鍾意自己，都唔會努力令全部人鍾意我！」
文：影視組