香香識男仔先(目及)雙腳

藝人岑麗香與日模松岡李那昨日出席鞋履品牌活動,香香透露在加拿大穿便服上學,有女同學見她所穿的鞋很美,竟日日要求與她換鞋。雖然對鞋情有獨鍾,但香香卻不會只買名牌:「我幾十蚊一對又有,超過二千蚊一對都有,不過都係用方便工作嚟做藉口買,(睇男仔會唔會睇腳先?)聽過睇男仔對腳可以知佢性格,如果對鞋靚,應該都會幾貪靚,咁我都鍾意男仔整潔。」香香更指曾有人贈她一雙鞋,還問她收取兩蚊:「因為唔想鞋鞋聲,之後我買鞋畀屋企人,都有問父母攞兩蚊,佢哋都O嘴,好開心我融入咗香港。」

松岡以六位數字擔任代言人一年,笑言滿意酬勞,問到緋聞男友林德信有否送過鞋給她?松岡哈哈笑謂:「有,都係人哋送畀佢,佢再送畀我。(咁你點回禮?)幾日前我安排咗個surprise party畀佢,叫晒佢啲好朋友嚟。(咁佢有冇向你送吻?)反而有好多男仔朋友搽晒lip gloss錫佢,搞到佢成塊面都係唇印。」