千嬅出埠備案 抗囝囝喊招
楊千嬅表示早前因為忙於照顧發燒的兒子，搞到冇覺好瞓，不過母愛氾濫的她寧願病的是自己；她還透露兒子長大不少，見她拎旅行篋出來便知道母親要離開數天，就發動「喊」功對付千嬅，千嬅笑言以後出埠前也要向兒子交代行程！
楊千嬅昨日以Osiao全球首位代言人身份出席活動，其他出席嘉賓還有邢嘉倩、羅霖、王曼喜等。千嬅透露兒子Torres早前發燒，冇覺好瞓：「搞唔掂！要抱住佢瞓，佢又鼻敏感，寧願病嗰個係我！」她表示將要為電影《香港仔》宣傳和離港工作近20天，所以要好好珍惜現在與兒子相處的時間：「佢依家唔捨得我多啲，一着鞋攞袋就知我出去，拎埋篋即刻喊添，好醒，依家要同佢交代我去邊！（扭計買玩具？）佢鍾意食嘢多啲，繼承爸爸嘅習慣。」千嬅表示有媽咪睇住囝囝，所以出埠都好放心。問她可會停工全職照顧囝囝？她說：「唔會，大個唔會理我，唔會黐住媽咪，依家珍惜吓，大個識異性喇！」
王曼喜戀女冇問題
而王曼喜現身時眼腫腫，她直言活動舉行得太早：「好早，瞓得唔好。（夜蒲？）唔係，呢排好忙冇時間。」提到與外籍女友人街頭咀嘴一事，她表示是角度問題：「影到好似個嘴掂到，唔算拍拖，媽咪好開通，同女仔拍拖冇問題。（鍾意女仔唔介意畀人知？）唔介意，鍾意一個人係睇性格同心地。（雙性戀？）我唔會label（標籤）呢樣嘢。」
同場的羅霖大談保養心得：「近排做多咗運動，喺屋企跳鄭多燕，生咗三個始終啲肉都鬆弛。（準備迎接第二春？）都可以開始，朋友都叫我要搵個男人錫，會觀察吓，我唔需要轟烈愛情，我經歷太多。」
文：名人組