黃心穎女神不敵主播被男人嫌棄
無綫節目《搵個好男人》為單身小花搵男友，精心挑選參賽男士和一眾小花進行配對，當人人以為生得靚就唔愁無人揀之際，今晚播出的一集就出現戲劇性場面，討論區女神黃心穎和娛樂主播李漫芬同樣心儀參賽者Ernest，但Ernest在二揀一的情況下，最後卻離奇選上李漫芬，無視心穎BB，賽果令人滴汗！
暗寸李漫芬老
港姐出身兼有萬千宅男粉絲的心穎BB昨接受電話訪問時，對於未被心儀對象選上和慘敗於李漫芬裙下，充滿自信的她就坦言未有為此事感不快，言談間更暗寸李漫芬老，她謂：「呢啲嘢人揀你、你揀人，唔覺得係輸。（有冇諗點解揀佢唔揀你？）我都唔知，可能李漫芬條件啱佢，可能我太細個，佢想搵結婚對象，但係我短期內都唔會結婚，李漫芬好賢良淑德。」
而「勝利者」李漫芬就謙稱自己贏在幸運，更大方指心穎是可愛女生，不認為她會寸自己年紀大。其實李漫芬亦不時在微博上載性感照騷身材，未知是否因此而搶得美男歸。
文：影視組