林熹瞳告別靈異界
藝人林熹瞳（Rachel）拍畢新片《屍骸之路》後，宣布告別靈異題材電影，Rachel說：「我宣布金盆洗手，呢套係我靈異電影告別作！我斷斷續續拍咗呢類題材都四年，做得多呢類厭惡工作，身心都唔舒服。今次電影入面，我哋去咗一個有二百多具嬰屍被遺棄嘅地方，好唔開心，覺得呢啲被墮胎嘅嬰兒，點解死咗都要被人咁處置？點解人命會咁賤？咁唔受尊重？我哋又去咗一啲有『嫖屍』風俗嘅地方拍攝，原來世上有人認為同死屍發生關係，可以採陰補陽，真係好挑戰我嘅道德底線！」
Rachel表示看了太多光怪陸離事，令她反思人生，更珍惜自己所有，亦希望有能力幫更多人。