無綫小花陳凱琳、朱千雪、龔嘉欣、林秀怡等昨在維園出席活動，她們都打扮成不同造型配合展覽主題，谷胸上陣的林秀怡堪稱全場最性感，不過靚的代價就是凍到狂打冷震。
均穿上清裝的陳凱琳和朱千雪似乎不介意被搶鏡，還認為能在寒冷天氣下穿長袖非常幸運，朱千雪笑言覺得自己穿上古裝變得斯文，她說：「可以着自己衫喺裏面，冇咁凍，同埋依家拍緊《再戰明天》，撞到手腳瘀晒，可以遮住。」而陳凱琳透露3月底將開拍新劇《商戰》，她謂：「今次會同黎耀祥合作，佢做我哥哥，有咩都可以問佢。」問到朱千雪會否過兩招給陳凱琳？她就謙稱：「唔使啦，佢咁淡定，我都仲學緊嘢。」
