JC曾臍帶纏頸 祝福B女
Cara G.昨日誕下女兒，模界好友紛紛送上祝福，Jessica C.（JC）得知BB女入ICU後，自爆她出世時亦同樣入住ICU，深信BB可平安度過，她說：「我出世因為臍帶繞頸，搞到缺氧，成塊面藍晒，所以要入咗ICU兩個星期，我依家好好，所以BB女都一定冇事。」JC有傳短訊恭喜Cara，深信BB一定好靚女。
Ana R.則說：「有老公支持，一定冇事，最重要母女平安。（B女喺ICU？）香港有好醫生，所以唔使擔心，我啱啱先知佢生咗，會WhatsApp佢。」目前由他們的家人陪伴，等Cara出院後會去探她。
Jocelyn得知BB女入住ICU，深信冇事：「我諗應該OK，Cara份人咁健康，BB亦一定冇事，我傳短訊給她，她未覆。不過佢如果有任何需要，我一定會幫手。」她更買了BB衫送給B女，為免影響Cara與家人相處的時間，待B女出院才探望。
而姚書軼大表開心，祝BB快高長大。對於BB要入ICU喎，她說：「應該唔係大事，屬馬嘅BB應該好lucky！」暫時她不會去醫院探望，怕會帶去細菌，待BB滿月、抵抗力好一點再探望，她相信Cara及Jesper的B女必定生得又高又漂亮，將來可以行騷做模特兒。