杏兒返港謝罪思捷搶護花
以一張攬仔照加一句「我找到了」整蠱全世界的胡杏兒，前晚與「男友」李思捷、好姊妹黃智雯從韓國返港，杏兒與思捷在機場受訪時回應說：「其實係好簡單嘅一件事，總之係『你已被整蠱了』。」思捷則搶住表示成班老友去旅行故放鬆一下：「你知杏兒做嘢成日都好緊張。（怕唔怕玩大咗？）我成日都同杏兒講，其實係關於你，最緊要你開心。」杏兒則謂：「思捷都講得啱，有時唔使太認真。」
杏兒被問到可擔心激嬲粉絲？她說：「啲fans冇乜嘢喎！」思捷補充說：「一百個都有一個嘅。」問杏兒是否為搶見報版位，反擊前男友黃宗澤與楊崢多姿多彩的戀聞，杏兒否認說：「絕對唔係，其實都好耐，唔係嗰樣嘢。」另外，有指思捷追求了杏兒多月並在情人節送花，杏兒昨日在電話說：「報道純粹係看圖作文，同思捷只係兄弟。」
