鄧鉅明走過艱辛：肯捱就有回報！

踏入馬年便58歲的鄧鉅明，做錶起家，在這之前在藥房執倉，月入千多元，遇着鄰舖鐘錶店長介紹入行，由低做起：「我讀書唔多，生產工具只有兩種：手同口。嗰時全部做外國人生意，我每日返工前就去學英文，又讀咗個鐘錶珠寶修理課程，一步步嚟！」有了經驗，辛苦儲了廿萬，在尖沙咀漢口道樓梯底開了第一個櫃位，其後新店一間間開遍全港，至今已有15間，業務還伸延至內地及澳門；最艱難的2003年沙士時候，生意也只虧蝕僅兩月，算是十分幸運！

施比受更有福

鄧生認為人生有危才有機，現在香港第二代都沒這些機會，因香港太穩定了，故第二代會很辛苦：「香港人要習慣大學畢業出嚟揸的士，由做麥當勞開始，過程係會唔舒服，但只要踏實肯捱，一定會有回報。你睇吓香港十大家族，佢哋好多都唔係讀好多書，全部都係靠自己努力打拚出嚟！」

鄧鉅明為人隨和，沒半點架子。

鄧生與鄧太經常互窒耍花槍，兩人都有豐富的幽默感。

有見及此，鄧生希望能出一分力，致力培訓下一代，他不時捐款給港大、理大等大學，他謙虛說：「希望喺呢個年代做多啲嘢，有平台可以畀下一代企得穩，亦可帶正面訊息畀我哋公司同事，等佢哋有啲榮耀感覺，工作之餘亦幫助緊人。」鄧生認為財富只是一場數字遊戲，有能力便應多行善：「施比受更有福，其實我都有啲慚愧，因助人除咗錢，時間先係最重要，我自覺付出嘅時間都係唔夠多。」他說太太一直鼓勵他多作善事，給予他很多正能量，是很大的催化劑。

鄧鉅明當年在尖沙咀開設第一個櫃位，從此展開人生另一頁。	鄧鉅明夫婦（左二、三）出席港大第八屆明德教授席就職典禮。	放大圖片

圈中模範夫婦

鄧鉅明與現任太太鄧宣宏雁結婚十一年，2003年沙士，香港不論經濟或士氣都一蹶不振，他卻選擇在那一年與相識一年的太太結婚，在這個艱難的時刻，鄧生說公司生意都能保持平衡，十分託賴！都說鄧太旺夫，之後公司業務更是蒸蒸日上，夫婦二人感情有增無減，在社交圈是出名的模範夫婦，鄧生說：「啲人成日問我哋相處之道？好簡單，佢鬧我咪唔出聲囉，包容多啲！」在旁的鄧太笑說：「鄧生人好好，對下屬亦好好，又孝順，做人講信用，我唔係崇拜佢嘅錢，係崇拜佢個人。佢勤力到發住燒都飛大陸做嘢，畀我就做唔到！」有錢人引誘特別多，尤其是男人，鄧生笑說：「一條鎖匙敲唔響嘅，（飛來蜢)走埋嚟我咪行開啲囉！」鄧太說笑：「我廿四小時監控佢！」

珠寶部展拳腳

鄧生鄧太出名恩愛，二人經常互窒耍花槍，鄧太跟鄧生與已故妻子所出的兩名兒子也相處融洽，有時候兒子想買東西，更會拉着她去幫眼，而兒子都十分崇拜爸爸，現時都有在公司幫手，也是由低做起，鄧生說：「因為爸爸都係咁，只有咁樣人哋先會服你；佢哋都好乖好勤力，信用卡都冇，幾年前送隻錶畀佢，一戴就好幾年，從來冇換，好節儉！」鄧太無論在家裏或公司都是鄧生的好助手，在業務上亦幫忙不少，特別今年踏入30周年，公司銳意拓展珠寶市場，鄧太更是參與設計，畢竟女士們對珠寶都有一份與生俱來的了解，她笑說：「我有啲姊妹話唔係個個老公都畀個老婆喺公司幫手，因為怕有拗撬。」鄧生的心願，是希望公司的珠寶首飾能於三年內發光發亮，由於鐘錶已經站穩了陣腳，也是時候發展珠寶部，這是一個大挑戰，他笑說：「如果成功，咁公司就雙翼齊飛，我就會好有成就感！」

後記：訪問於太子珠寶鐘錶尖沙咀店樓上的貴賓餐廳內進行，這不對外開放，只招呼VIP及員工開會之用。鄧生說希望客人來店舖不只為買賣交易，也可以有一種舒適的感覺。他說做生意如同做人，都要用「心」去經營。成功名人的座右銘，往往都不是複雜的大道理。從今天起，大家都學習從心出發吧！

為善不甘後人

日前鄧鉅明夫婦捐了一千萬元予香港大學作分子遺傳學的學術研究基金，並出席了港大第八屆明德教授席就職典禮，希望進一步推動分子遺傳學的科研，回饋社會。

另外，鄧生剛獲理大頒授院士榮銜，當日太太和91歲的媽媽也有前來支持，鄧生對獲獎感榮幸，望成為榜樣及肩負社會責任，多做公益事務，將愛流傳出去。

採訪：Ada Lam

攝影：劉智源