嘉玲恨拖偉仔 浪漫極光下
劉嘉玲即將主演英皇娛樂投資的大型舞台劇《杜老誌》，嘉玲透露兩位男主角梁家輝與謝君豪均是她心儀之選，十分期待演出；她又謂雖然演舞台劇十分辛苦，但懂得從中找樂趣，而人生中下一個樂趣就是與老公梁朝偉攜手看北極光。
劉嘉玲、李玟、汪詩詩、薛芷倫、吳千語、熊黛林、趙式芝及「老婆」Sean等昨晚盛裝出席「香港癌症基會2014慈善餐舞會」，超Deep V上陣的嘉玲透露早前與偉仔到東非旅行一星期：「好好玩，睇吓動物。」提到將演出舞台劇《杜老誌》，嘉玲說：「依家仲等緊劇本，好期待，梁家輝同謝君豪兩人都係我嘅心儀人選。（係咪成日周圍飛睇舞台劇？）係，以前訓練班時都做過舞台劇，十幾年前都做過。（做舞台劇好辛苦？）工作係辛苦，喺人生中搵樂趣。（下一個樂趣係咩？）我嘅心願係去多啲地方，睇下世界盃，睇下北極光，趁有體力要去。（老公一齊？）當然一齊去。」
千語澄清冇收鑽戒
吳千語手上戴着巨型鑽戒，為免誤會是男友林峯所送，主動稱戒指屬贊助，亦從未收過巨鑽：「我諗正式要結婚先有。」她又直言黃曉明送Baby二百萬跑車賀生日的驚喜好sweet，但不忘大讚林峯亦好sweet。
熊黛林戥Baby開心
熊黛林與郭富城拍拖時從未被公開承認，對於曉明公開戀情，她稱不會妒忌：「公開係好事，唔使咁辛苦，揀地方食飯都冇咁煩，自己都明白。（係咪覺得以前好委屈？）冇，係自己揀。（城城有冇用跑車送花？）過咗咁耐，好唔好都唔緊要，要放低先有新嘅人出現，依家努力中。」
文：名人組