白百何絕襯春夏
各地時裝周繼續上演，除了連場Fashion show讓人目不暇給外，一眾應邀看騷嘉賓的衣着打扮亦是焦點所在，踏足國際時尚之地自然要悉心打扮，務求以最潮最靚一面示人，不過亦有人偶有失手。在早前的倫敦時裝周及米蘭時裝周上，中外女星紛紛穿上來季至新服飾上陣，名模陳嘉容就大讚劉嘉玲星味十足，艷光四射，而內地女星白百何則由頭到腳襯到絕，凸顯獨特個人品味。
Angelababy
「ok，但就無咩特別，對於佢個年紀都係偏成熟咗啲，唔適合佢，斯文得滯，感覺似OL，頭髮放晒落嚟亦顯得好累贅。一係唔好着件外套會sharp好多同清爽啲。」
白百何
「幾靚，成身都襯到絕，幾得意，好有心思，好特別嘅打扮，層次感豐富，啲accessories襯得好靚，凸顯獨特個人品味，簡單嘅髮型化妝同充滿details嘅服飾好match。」
桂綸鎂
「佢一向係型格代表，氣質獨特，呢套衫好啱佢，不過就略嫌遮咗佢嘅身形線條，同埋casual咗啲。可以加番啲accessories，例如款式誇張啲嘅耳環、戒指，又或者換隻顯色啲嘅唇色，會sharp好多同更stylish。」
荷里活女星 露絲拜恩
「合格，係今年好流行嘅着法，高腰褲襯長度遮住patpat嘅褸，好有型，亦都令身形線條顯得好高挑，配搭簡單舒服。」
劉嘉玲
「星味十足，艷光四射，高貴優雅，大方得體，簡單一件one-piece已經騷到佢修長嘅身形，顏色配搭好有春夏嘅感覺，髮型都好靚，乾淨俐落，騷到套衫嘅details。」
在2014春夏時裝潮流當中，金屬色絕對是其中一個熱爆元素，在各地時裝周可見金屬色深受設計師垂青，在T台上輕易可見各種色調包括金、銀、青銅、古銅以及琥珀金等金屬色服飾，無論是純色又或是Pattern，點綴了淺色系的春夏Collection，令整個造型更Sharp更突出。不過金屬色並不易於Carry，對身形有一定要求，要夠Fit才會穿得好看，因反光效果會令人顯肥。身形向來Fit爆的潮媽陳慧琳就是最佳示範。
Profile
香港著名模特兒陳嘉容（Eunis），曾為各大國際品牌行時裝騷，在時裝界打滾多年，在時裝的理論還是實戰都難不倒她，近年更為電視時裝節目擔任主持，化身stylist教人配襯衣着打扮。