藝人葉翠翠母親早前因病離世，雙眼通紅的她昨午一身素服現身萬國殯儀館：「心情好番啲，之前唔係太穩定，多得朋友安慰，平復咗啲，但爸爸心情唔係太好，始終喺埋一齊咁多年，今朝我哋接媽咪時，難免會傷感，爸爸好需要人安慰，我盡力，但其實我都好需要人安慰！」翠翠指已搬回與父同住：「佢可以接我返工、煮飯，有人陪、有寄託，會好啲。」翠翠又指不打算暫停工作：「其實媽咪走嗰日同埋第二日，我都照樣工作，因為我相信媽咪都希望我咁做，幫媽咪辦完身後事，我會照工作，冇諗住請假。」
