JW創作大計一籮籮
歌手JW、龍小菌和鍾舒漫（Sherman）等前晚出席活動，JW表示下月將有新歌派台，今年亦有一連串工作計劃：「全部都有關自己嘅創作，但暫時唔講得，遲啲會公布。」談到唱片公司老闆黎明被指有新戀情，JW謂：「早一個星期喺公司見到黎生，（佢好開心？）唔覺，呢啲唔到我覺。」
而有感近日接連發生不少社會問題的龍小菌，則打算創作新歌發聲：「我想寫關於捍衞廣東話同言論自由，我覺得近年言論同新聞自由收窄咗，要趁有得發聲時發聲。」另外，Sherman稱今年希望努力操Fit自己：「一向都好羨慕其他女仔騷腰，但自己一路都唔敢，即使夏天去游水都係着一件頭，希望今年可以操到成績。」