朱晨麗馬國明情侶檔財色兼收

二人於台上攞正牌耍花槍，認真sweet爆。

甘做阿四接放工

今次情侶檔出席活動，馬明坦言酬勞聽聞會較高，有錢搵更完全不怕尷尬，他說：「幾開心呀！有得搵錢又見到靚女。」為了搵錢他更揚言願意接朱晨麗放工，再傳緋聞：「有Noise嘛！得意啲，大家都寫得易啲，觀眾睇得開心啲！」朱晨麗即笑言：「多謝你帶挈我！」

• 馬國明坦言非常樂意與朱晨麗傳緋聞，實行拍住上齊齊搵真銀。

大讚頭髮夠濃密

馬明因拍攝古裝而要剃光頭，問到馬明會否怕頭髮剃完長唔番，在旁的朱晨麗就為「男友」解圍，大爆馬明頭髮濃密，當追問她為何知道，她就口窒窒說：「拍戲摸過。」朱晨麗、朱千雪都曾與馬明傳緋聞，他自爆全公司所有姓朱的都和自己扯上關係：「除咗咪咪姐（朱咪咪），我都傳晒！（轉口味？）可以問吓咪咪姐。」

文：影視組