洪卓立獲湯怡谷碟慶生

歌手洪卓立（Ken）昨日到旺角唱片店舉行新碟簽售會，今日（2日）27歲生日的他獲粉絲送上印有其肖像的生日蛋糕，Ken表示生日希望新碟大賣。至於女友湯怡今晚為他安排了神秘飯局：「佢（湯怡）安排咗個飯局，唔知食咩，有啲咩人。」
洪卓立昨日舉行新碟簽售會。
洪卓立昨日舉行新碟簽售會。

提到黃曉明送名貴跑車給女友Angelababy作生日禮物，問到Ken若女友送車給他怎應對？他笑說：「如果送車畀我好驚喎，首先唔知啲錢點嚟，同埋我都唔知點還。」Ken又指若他有能力，女友生日時亦會有所表示，但未必會送車：「送車畀佢，佢會撞花架車，佢試過喺紅隧個亭剷上個欄，之後都唔敢揸車，我都冇坐過佢車。」

另外，湯怡上載一張拿着Ken新碟的自拍照，寫道：「放上合照一張！滿足了大家的要求了吧？哈哈！你買了嗎？」以行動力撐男友。

湯怡在網上為男友Ken宣傳新碟。
  • 湯怡在網上為男友Ken宣傳新碟。
粉絲送上蛋糕為Ken慶祝27歲生日。
  • 粉絲送上蛋糕為Ken慶祝27歲生日。