高海寧SM癮起狂鞭袁偉豪

高Ling反被袁偉豪以手扣鎖住及搶去皮鞭。

其中以短裙晒長腿的高Ling更重演電影橋段的環節中扮演主人，她先手執皮鞭，鞭打扮奴隸的袁偉豪。之後袁偉豪即反擊，以手扣鎖實高Ling，又搶去皮鞭作狀要報復，令她嚇得花容失色，場面十分搞笑。之後問到高Ling玩皮鞭的感受？她大呼過癮：「好重口味！（第一次玩？）係，幾好玩！第時拍劇睇下有冇機會用，因為我會喺新劇第一次演奸角，（驚唔驚影響形象？）唔驚！有挑戰先有進步！（做定功課？）係，可能參考下韓劇《來自星星的你》入面嘅奸哥哥角色！」而主持亦趁機幽默一下，指她終於可以演奸角，而非被姦角色。她指「被姦角色」是過去式：「今次畀我『奸』番人！（奸邊個？）林峯同佘詩曼！」

陳庭欣抬腿踩沈震軒

此外，微露兩吋事業線的陳庭欣與拍檔沈震軒重演電影《華爾街狼人》中男主角被女伴以高跟鞋踩面的一幕，意識大膽！問到會否驚走光？陳庭欣表示已經做好安全措施。問到她可會接受拍攝香艷鏡頭？她說：「冇所謂，（尺度去到邊？）我哋公司出到街嘅程度，好安全！」

扮演主人的高Ling鞭打袁偉豪。

陳庭欣以高跟鞋踩沈震軒面，畫面大膽。