38歲美娜停工趕生B

美娜祖華維茲笑言唔細，係時候再做媽咪，生多個BB。

【劉慰思米蘭直擊】美娜祖華維茲（Milla Jovovich）第四度跟意大利品牌Marella跨界別合作，於米蘭時間22日現身米蘭，她接受訪問時全程笑容滿面，態度親切，有問必答，特別提到女兒時更是甜到入心，她直言女兒遺傳了自己的演藝細胞：「佢話佢都鍾意拍戲，我自由度好大，我唔會要求佢大個做乜，佢想試咪畀佢試吓拍戲，我同佢講一開始做，唔可以話唔做就唔做，要有始有終，點知佢拍咗第三個鏡頭就話唔拍，我話唔可以咁！」

給女兒添多個伴

美娜除拍戲外，又參予設計工作，坦言工作很忙，但認為做一個working mom唔容易，她笑言自己只能夠專注做一樣事情，一心不能二用：「好似上年個女開學，我就全程陪住佢，做一個好媽媽，但今年我要拍戲，個女就留喺倫敦由爸爸照顧，我依家就由一個好媽媽變做一個唔好嘅媽媽，哈哈……」現年38歲的她，自言年紀大，準備再做媽咪：「我都唔細，嚟緊我都要停產，準備生BB，個女可以多個伴！」

美娜由Giorgio Guidotti（左）和Manghi陪同出席新店開幕。

郭慶彬成功跟美娜玩自拍。

郭慶彬集郵成功

晚上她由品牌集團全球傳訊總裁Giorgio Guidotti和品牌董事總經理Manghi傍實下出席新店開幕，甫出現即時令現場嘉賓起哄，不時被邀合照及索取簽名，難得她有求必應，十分親民，其中香港星級造型師郭慶彬（Ricky Kwok）亦成功突圍，用手機跟美娜玩自拍，成功集郵，令他開心不已。