小鳳姐鋪床砌小齊

徐小鳳前晚舉行第四場紅館個唱，邀請任賢齊擔任表演嘉賓，由於小鳳姐的美人魚裙太寬，搞到小齊埋唔到身攬攬，小鳳姐即笑言：「你可以踩我條尾，踩上我裙度，第個就唔得，你一定得。」之後，小齊用半鹹淡廣東話同小鳳姐「吹水」，還自嘲花名「任人砌」，小鳳姐即說：「哎吔！任人砌，多謝你今晚上來鋪床（捧場）！」場面搞笑。
小鳳姐和小齊講不文笑話，觀眾反應熱烈。
小鳳姐和小齊講不文笑話，觀眾反應熱烈。

在安哥環節，小齊再次上台向小鳳姐獻花，他一見着住黑色波點裙惡搞小鳳姐的盧海鵬即大爆：「嘩！你個波好大粒！」小齊又借機講「盧海鵬試咪」欲氹鵬哥開「金口」，鵬哥即笑言：「徐小鳳最威！」

小齊與盧海鵬向小鳳姐獻花。
  • 小齊與盧海鵬向小鳳姐獻花。