Bosco護楊崢︰畀條路行吓

黃宗澤親證與女友楊崢情未變。

藝人黃宗澤、陳慧琳（Kelly）、鄭希怡、梁烈唯等昨晚到澳門出席晚宴，有傳兩人吵大鑊，Bosco將收回女友的古董車，Bosco昨晚暗示雙方感情冇變，還替女友解畫：「用完咪還番畀我囉，好小事，唔好敏感。（有傳佢想買樓？）依家個樓市咁，買樓咪好戇居！（睇穿咗佢？）人都睇得穿o架咩？」據知是楊崢怕被追問還車問題，才主動「完璧歸趙」！

痔瘡變腸癌

對於連日來的負面新聞，Bosco十分無奈的說：「幾十歲人想拍拖，都好似做真人show咁，大家畀條路我行吓，畀啲空間我哋啦！」至於名模歐陽妙芝日前寸爆楊崢「搶人男友」，又傳Bosco曾搭上另一名模陳嘉容以及傳他翻撻食肆女拍檔等，Bosco聞言即和女友口徑一致說：「唔係事實嘅嘢，唔需要回應。」提到有傳楊崢有私生女，他大拋金句話：「生痔瘡都變成生大腸癌。」意指傳聞愈傳愈誇張。

楊崢已交還向Bosco借用的座駕。（資料圖片）

左起：黃伊汶與江美儀、吳君祥喜相逢。

Kelly好「sexy」

同場穿吊帶裙性感赴會的Kelly原來抱恙在身，她說自己被兩個兒子傳染，加上最近忙於工作令病情加重，聲沙沙的她還笑言：「依家我把聲好sexy。」提到細仔劉琛日前去考學前班，Kelly說：「佢表現好好呀，識答晒所有問題，好叻呀，我喺旁邊睇仲緊張，不時望吓佢有冇答錯，老師仲有送餅畀佢，不過就未知考唔考到。」

黃宗澤	梁烈唯	陳慧琳穿上性感吊帶裙，更添青春感。