徐子珊撐崢澤戀 開心就得

徐子珊支持黃宗澤與楊崢戀情，最重要是二人開心。

僅工作接觸

談到與她傳過緋聞的黃宗澤（Bosco），自戀上名模楊崢後是非不斷，子珊對此謂：「最緊要開心，拍拖係兩個人嘅事（楊崢多是非及傳育有十歲女？）我冇留意，呢排拍緊劇（如果係你會將一段關係到咩程度先公開？）真係要睇另一半覺得點，如果係圈外人就要考慮對方感受，只要溝通得好就唔大問題（覺唔覺得佢哋公開得太早？）開心就冇問題（支持？）佢哋開心就支持。」問到Bosco有否帶女友見她？子珊自言不是家長，只是於工作上與對方接觸。

聞女兒嗌啋

而楊崢昨日繼續於電台開咪，期間被拍檔何基佑取笑謂：「唔好意思，新年唔記得封利是畀你個女。」楊崢聞言即「啋啋聲」，並謂：「大吉利是過你，我都想，唔錯呀！」更指連日來的傳聞頗有想像空間，亦為不實傳聞澄清，着大家給予二人空間。

楊崢於電台開咪，與劉浩龍做訪問。

麥玲玲在中環行街巧遇記者。

至於堪輿學家麥玲玲則於昨午時分在中環出現，期間巧遇傳媒，並主動談起「崢澤戀」，踢爆年初四見二人拖手現身樂易玲飯局，更算出二人是寒命人，未能互補不足，若然要維繫便多加努力，只要過渡到端午節便冇問題。

文：影視組