沈震軒執三攤期待咀敏之

森美早前因病辭演無綫新劇《使徒行者》，有傳角色由馬德鐘頂上，最後由沈震軒演出。沈震軒昨於將軍澳電視城《使》劇試造型，問到監製選他演出的原因，他說：「佢（監製）覺得我『亦正亦邪』。（馬德鐘日前拒接此角色？）劇本同角色唔係幾啱佢。（被指執三攤？）唔介意，自己都係跑龍套出身，最緊要角色有發揮。（之前森美同陳敏之拍咗場咀戲，你要補拍期唔期待？）同敏之都熟，OK呀，幾期待！」他又透露鄧健泓將加入劇組，取代他本身的角色。