蔡少芬叫老公傳授生B秘笈
金像獎新進導演得主周顯揚，昨日與拍拖廿年的編劇女友杜緻朗結束愛情長跑。而到賀的賓客張晉被問到分享「生仔功夫」則臉露尷尬，太太蔡少芬（Ada）卻慫恿怕醜老公飲多兩杯再開心share，非常搞笑！
2013年香港電影金像獎新進導演得主、曾執導《殺人犯》及《大追捕》的周顯揚（Roy），昨日與編劇女友杜緻朗結束廿年愛情長跑，於港島香格里拉酒店宴請逾百影圈好友，張晉、蔡少芬、王祖藍、文詠珊、余安安、劉偉強、蕭定一、台灣藝人關穎等均有到賀。李嘉欣與許晉亨亦有在酒店範圍出現，但並非赴周杜婚宴。
問到新郎Roy講咗咩愛的宣言？他謂：「希望今生喺一齊，來生都一齊。」而大露2吋事業線的新娘杜緻朗被問到造人大計則笑謂：「多啲嚟，密啲手！」一對新人指昨晚只宴請影圈台前幕後，而被老公讚飲得的杜緻朗更揚言不醉無歸：「今晚唔係人隊我哋，就係我哋隊人！」十分豪氣。
城城想再合作
張晉與太太Ada結伴飲喜酒，被問到會否過兩招造人心得予新人，怕醜張晉說：「呢啲邊有得傳授？我可以分享點湊仔。」Ada則慫恿老公慷慨分享：「你咪話畀人知你努力啲嘢囉，等佢哋知道點做，陣間咪飲多兩杯分享吓囉！」搞到怕醜張晉臉露尷尬。而郭富城與經理人小美齊到賀，城城說：「祝福一對新人，但我唔飲太多，敬佢哋一杯啦！我同一對新人合作過《殺人犯》，好想再合作，我有個劇本都想搵杜緻朗做編劇。」
祖藍女友等得
而王祖藍則單拖赴宴，問他何時請飲，他謂：「講呢啲！近日好多人打畀我講恭喜，又有贊助商打嚟話贊助我度蜜月、影結婚相，我啃唔落呀！（傳你訂咗6月酒席？買樓又整埋ＢＢ房？）我唔知嘅？等我問吓我個室內設計係咪改咗我個設計先。我係自己買屋，冇佢（李亞男）份，我好浮誇，結婚一定公告天下，我連婚都未求。（拖到幾時？）亞男佢好等得嘅。」
文：影視組