基仔被逼供 粉絲驚嚇偷吻
古巨基在美國舉行演唱會時，本來一心為歌迷製造驚喜，豈料竟被fans反客為主，為他帶來連環「驚嚇」！基仔先被女fans不斷逼問他美國秘婚一事，該女fans更在台上當住男友面前偷錫基仔，意猶未盡的她仲拉埋男友齊齊啜爆基仔！
古巨基前日在美國三藩市舉行一場以情人節為主題的演唱會，除了唱出多首首本名曲外，又分享自己中學時的初戀故事。其後，基仔特別挑選三對情侶上台，代替男方獻唱情歌給女友，本來想為他們帶來驚喜，豈料竟被fans反「嚇」為主！
觀眾起哄
基仔訪問第一對情侶的拍拖過程時，就反被追問婚事，女fans問基仔：「你係咪嚟美國秘婚？」全場隨即起哄，想不到fans有此一着的基仔尷尬地笑問歌迷：「係咪記者派你過嚟嘅？」女fans仍不放過基仔說：「我上網睇新聞話你去Vegas秘婚，而唔係為演唱會！」台下觀眾叫得更大聲，基仔惟有苦笑否認：「你哋話我係咪為咗演唱會嚟喇？我唔係秘婚，我喺度向在座咁多位講，我純粹專誠過嚟為你哋做一場演唱會，冇其他目的o架！」
左右夾攻
當基仔為兩人特別獻唱時，這名癡情女fans竟在男友面前「偷襲」親吻基仔的臉頰，最搞笑是其男友也有樣學樣錫了基仔另一邊臉，最後兩人還左右夾攻親吻基仔的兩邊臉。另一位媽媽級粉絲也有樣學樣，在與基仔合照時偷錫基仔臉頰，並笑說：「咁靚仔梗係要抽下水！」令基仔哭笑不得。
文：音樂組