羅家英拆線 停工兩個月

藝人羅家英2005年患上肝癌，去年底發現肝臟有2cm腫瘤，早前更入院接受手術切除五分之一肝臟，昨午家英哥到醫院拆線，離開時他在女友人陪同下步履穩定而行。

戒煎炸多行路

現場所見身穿厚身羽絨、戴帽保暖的家英哥精神不錯，他透露要定期作檢查：「依家都要食藥，醫生話我情況幾好，不過動作慢啲。兩個星期或三個月再檢查咁啦。（阿姐擔心？）少少啦。（接受治療？）乜都唔使，不過我要減少工作，呢兩個月都唔會工作嘞，手頭上工作都推咗。要養好身體先。我會聽醫生吩咐唔食煎炸食物，一切以清淡為主，會休息多啲，但要行多啲路。」

放大圖片	汪明荃指家英哥要食得清淡，停工兩個月養病。	胡楓（右）與汪明荃（左二）昨午出席活動。

要盡老婆責任

另邊廂阿姐汪明荃以安老大使身份昨午出席保良局新春活動，談到家英哥的身體情況，她說：「OK，佢今日去醫院拆線，因為一早應承咗呢度，所以陪唔到佢去拆線，佢恢復得好好，唔擔心，醫生咁好。」阿姐指家英哥的病來得突然沒有痛楚預兆，故難以防範，她說家英哥要戒口注意飲食：「食得清淡啲，佢自己都知嘅。（照顧家英哥辛苦嗎？）都辛苦o架，要盡老婆嘅責任囉！」

至於會否減少工作以便照顧家英哥，阿姐說：「呢排唔算好多工作，都安排到時間。」又指家英哥需要休養個多月待傷口埋口，要暫停工兩個月，但他希望能盡快再投入工作。

文：影視組