王祖藍工作忙得閒先結婚
王祖藍、胡定欣早前到上海出席活動宣傳無綫劇《食為奴》，大談拍攝趣事之餘，又與觀眾分享過情人節心得。期間兩人與現場觀眾玩遊戲，祖藍更餵女粉絲，認真識做。
此外，有報道指剛過去的情人節，祖藍與女友李亞男到迪士尼慶祝，更出動鮮花及戒指求婚。李亞男昨日接受電話訪問時否認：「嗰度係我哋第一次約會嘅地方，所以特別有意義。（係咪明年結婚？）唔知呀！（佢未求婚？）仲未。（叫佢快啲！）冇所謂啦！（仲等乜？）佢工作都排得好密，要等佢得閒先，一齊開心已經得。不過遲啲媽咪返香港，都想約埋佢媽咪一齊食個飯，之前都未有機會。」
