楊怡笑馬明拍咀戲「笠水」
楊怡、馬國明與陳山聰等昨日出席新劇《官場浮世繪》開鏡儀式。與馬明再演情侶的楊怡笑言自己少拍清裝片，故可算是談另一段情。楊怡又稱與馬明默契十足，毋須花時間了解對手。提到馬明喜歡向監製要求加咀戲，楊怡即取笑對方：「到時我話kiss佢又『笠水』啦！總之場戲係喺唔正常環境下發生，好美麗。」雖然她與陳山聰很少對手戲，但經常在片場相遇，大讚陳山聰狀態不俗。
陳山聰透露已開工個多星期，飾演謝雪心兒子的他被問有否遭掌摑？他笑謂：「應該冇，戲入面我係孝順仔嘛。」提到譚詠麟於微博上載與他飲早茶照片，陳山聰對此謂：「我同佢本身都熟，以前我係藝能，又係明星足球隊，會一齊踢波。（佢幫你改名叫『晨跑之子』。）多謝，今朝佢都有分享做演唱會時跑步有幾犀利，八公里半個鐘完成。」
