徐子珊開中門博影壇發圍
「2014星美集團整裝啟航新春酒會」昨晚假會展舉行，場面星光熠熠。席間英皇集團老闆楊受成宣布成為星美國際股東之一。而性感打扮的徐子珊則恍如花蝴蝶，主動出擊認識影圈中人增取工作機會。
星美集團旗下的星美文化重整旗鼓，宣布由溫拿的陳友出任CEO，公司年內將開拍6至8部電影，當中包括許鞍華執導的《黃金時代》，以及陳坤、趙薇主演的關錦鵬新片等，對於能夠憑《殭屍》入圍本屆電影金像獎，陳友直言相當高興。
贊成張家輝簽鍾珍
英皇集團主席楊受成則花上逾億港元，一直在增持星美集團另一子公司國際股份，刻下手上已持有約6%股權，昨晚交由英皇電影部話事人利雅博負責簽約儀式，宣布英皇及星美成為策略性合作夥伴，楊受成則以股東身份上台祝酒。
談到與他私交甚篤的張家輝日前宣布被收歸鍾珍旗下，楊受成表示：「家輝同我哋關係一直都好好，仲有幾部片約添，佢簽鍾珍好嘅，對方咁有江湖地位、人脈好，適合家輝多啲。」
徐子珊以一身中性打扮「大開中門」亮相，揮低一眾同行的無綫小花，接受訪問時她坦言：「公司叫我着靚啲，嚟緊當然想同呢間公司合作。（識到啲乜人？）介紹咗星美老闆覃輝，同埋一啲導演咁囉，希望可以合作吓啦。」
阿倫幫成龍打小人
阿倫談及好友成龍再次出任演藝人協會會長，他即盡情發揮校長本色謂：「呢個係天大嘅好消息，佢係忙啲，但肯認頭就得囉。（提佢慎言？）我哋幫佢喺鵝頸橋底打咗小人，日後佢可以暢所欲言嘞。」令全場忍俊不禁。
文：影視組