杜德偉（Alex）昨日到電台宣傳新碟，他表示希望可再次在港開紅館騷：「籌備緊，計劃中，希望今年成事，所以都開始操fit。」剛過完生日的他獲外母送上按摩椅做生日禮物，Alex笑言：「佢話想打通我任督二脈，希望我演唱會有好表現。如果按摩完可以生到個BB，我免費幫佢做代言！」
外母恨抱孫恨到出面，Alex指一直有努力造人：「外母好有心，咁大份禮物都有壓力o架，順其自然啦。（老婆送咩生日禮物畀你？）老婆一早送咗成個人畀我，送咩都冇所謂啦！」
