車婉婉製Sweet 老公減磅撐
歌手車婉婉去年12月下嫁拍拖三年的中澳混血兒男友Jonathon，為慶婚後第一個情人節，愛低調的她破例首肯老公擔任新歌MV男主角，雖然沒有激咀及床戲，但人妻婉婉冧爆話：「已經好夠sweet」，更透露待完成電影後全力造人。
車婉婉日前為另一首新歌《一加一》拍攝MV，唱片公司高層Tommy有見婉婉新婚生活甜蜜，又適逢19年一遇的中西合璧情人節，遂游說婉婉讓Jonathon獻出「處男作」任MV男主角，雖然新歌是婉婉送給老公的禮物，但初時知老公要出鏡頗抗拒，可是被Tommy一句「呢個係美好回憶」打動而改變初衷，而老公則比婉婉大方一口答應。
專心造人
問婉婉夫婦檔上陣可會「打真軍」狂咀又演床戲？她哈哈笑：「床戲留番下次啦，亦都冇kiss鏡頭，但我哋嘅演出已經好sweet，好夠o架啦。」婉婉表示因老公是模特兒出身，故習慣面對鏡頭，又讚老公專業：「佢為咗拍MV，專登減肥，仲減咗十幾磅，其實佢以前仲fit，佢勝在塊面夠瘦，所以個身肥咗少少都好上鏡。」
問婉婉何時生BB？她說因為弟弟已生BB，家人沒有給她壓力，只是她和老公也鍾意小朋友，故生B計劃即將進行，她坦言：「幾個月後可以開始，因為我要返大陸拍戲，完成手頭上工作，我同老公就會專心造人，我哋會努力o架啦。」
文：音樂組