江若琳一夜賭城買大咗
江若琳新春期間到美國賭城拉斯維加斯登台，她於當地甚受客戶和粉絲歡迎，逗了五位數港元利是，江若琳在賭場玩老虎機亦有斬獲，笑言是新一年的一個好開始，不過她之後在當地瘋狂購物，結果將利是錢花光。
江若琳與著名魔術師甄澤權於農曆年間到美國拉斯維加斯登台，江若琳在當地發了新年財，除了獲廣告商和客戶歡迎，共逗得五位數港元利是，在賭場拉老虎機亦有斬獲，她說：「一心諗住去賭場見識同消磨時間，同測試自己有冇橫財運，點知去到我淨係識玩老虎機，拉拉吓又中咗獎，真係好意頭，過咗個肥年。」
登台之餘，江若琳亦趁有空閒時間到outlet購物，卻將所有利是錢用盡，她說：「今次真係出事，搞到荷包出血，去咗幾個outlet，收穫豐富，結果連自己帶去嘅行李篋都唔夠位放，仲要四出搵篋買，先可以將戰利品帶返香港。」
偕甄澤權朝聖
另外，江若琳亦與甄澤權在美國欣賞了世界級魔術師大衞高柏飛的魔術演出，江若琳表示：「真係大開眼界，我一邊睇一邊忍唔住問甄澤權，啲魔術係點解同點樣做，但佢一直冇理過我。之後我對魔術產生濃厚興趣，有時間都要請教吓甄澤權。」
文：影視組