劉嘉玲飛倫敦稍後陪偉仔
藝人劉嘉玲前晚近11時，在工作人員陪同下現身機場，她透露將出發到倫敦睇時裝騷，稍後轉往柏林會合老公梁朝偉，參與柏林電影節閉幕禮。問到會否共度情人節？她說：「唔使喇，我哋都要做嘢。（偉仔都去倫敦睇騷？）唔會，佢做評審好多嘢做。」
提到入圍金像獎「最佳女配角」，嘉玲坦言好開心，問到有否信心？她說：「其實個個都做得好好。」憑《一代宗師》提名亞洲電影大獎「最佳男主角」的偉仔，將再度力拚台灣影帝李康生，問有否擔心偉仔與李康生對撼？她說：「李康生真係做得好好，唔會擔心，佢（偉仔）攞唔攞其實唔係好大影響。」嘉玲又為後日踏入54歲生日的好友鍾楚紅提早慶祝，鍾楚紅昨日把合照放上微博。
