黎瑞恩除婚戒：我好開心

有傳黎瑞恩與結婚十一年的老公曾智明鬧婚變，昨日她與好友湯寶如擔任劉小慧主持的節目《BB日記》最後一集嘉賓，見她手上婚戒「消失」，令傳聞更似層層。事前公關強調「寶麗金三小花」要一齊做訪問，兩位好姊妹合力為黎瑞恩「護駕」。問黎瑞恩生活是否安逸？她說：「OK，都開心。（有傳你同小朋友搬出大宅。）私人問題我唔方便答，多謝關心。（同先生關係點？）又問私人問題？我冇回應。（講到你哋好似離婚。）唔答喇。（感情轉淡？）唔知呀。」

陪小朋友赴英讀書

黎瑞恩透露計劃三年後陪小朋友到英國讀書，問是否因婚變傳聞才去英國？她說：「小朋友係咪都要讀書，佢哋讀國際學校，升讀本地學校就奇怪啲，去外國好啲。（有冇同老公商量？）通常都係我照顧。（老公冇過問？）我唔知。（冇溝通？）我唔知，唔好問啦，暫時唔會發表任何婚姻上嘅嘢，亦都覺得唔需要，暫時我好開心。（遲啲有特別嘢公布？）我唔知，之後嘅嘢我都唔知。」

湯寶如（左）及劉小慧陪黎瑞恩受訪，見黎瑞恩手上沒戴婚戒。	黎瑞恩與曾智明被傳婚變。（資料圖片）	錄影完節目，黎瑞恩駕車返酒店。

適當時候公布詳情

問到為何不澄清負面新聞？劉小慧搶答：「算啦，唔好逼我哋啦！」對於曾智明被傳有內地密友，劉小慧說：「佢先生好多朋友，呢樣嘢有待考究，遲啲等黎瑞恩覺得適當時候再同大家講。」問甚麼時候交代﹖黎瑞恩說：「一段時間啦！（搞緊手續唔方便講？）總之呢刻唔方便講，大家唔好逼我。」

節目錄影完畢，黎瑞恩五時許駕車與女友人離開亞視，在獅子山隧道遇上有人跳橋引致大塞車。期間她到佐敦一幢商業大廈攞衫，之後直駛沙田凱悅酒店。

文：影視組　

攝：追蹤組