楊怡「滾」掂謙仔見家長
藝人馬浚偉、楊怡、邵美琪及龔嘉欣為新劇《守業者》宣傳，到有機農場摘新鮮蔬菜，馬浚偉謂希望新劇收視能達三十點，楊怡則表示情人節要開工，但最想留在家中與媽媽打邊爐，又笑言預埋男友羅仲謙「好閒啫」！
馬浚偉、楊怡、邵美琪及龔嘉欣等一眾《守業者》的演員昨日無懼寒風，拉大隊到屯門有機農場摘有機蔬菜。已兩年沒有在TVB拍劇的馬浚偉向來被視為收視福將，被問到對新劇的收視有沒有信心？他說：「近年收視有變化，以前新劇一出街就有30點收視，依家有啲壓力！」他提到三月即將派新歌，更邀得法拉合唱兼拍MV，自導又自演。他說：「另外兩首歌都要拍MV，目標係請楊怡同鍾嘉欣拍MV！（咀戲？）唔一定！（怕畀人話公器私用？）最多畀人話亂倫啫！不嬲都知我哋似兄妹！」
同場的龔嘉欣早前與髮型屋老闆傳緋聞，又被拍得與藝人許家傑約會，她解釋與髮型師合作多年，其老闆新舖開幕去支持，而與許家傑吃飯當日有其他朋友在場，又強調自己絕對單身。
情人節要開工
而楊怡在場購買了一大堆有機蔬菜，謂媽媽喜歡吃，更在露台種植蔬菜。被問到情人節將如何度過？她說：「開工呀！不過最想同媽咪打邊爐！（叫埋羅仲謙？）隨緣啦！不過好閒啫，多個人多雙筷。（準備禮物？）無呀，我一向都唔做呢啲嘢。（期待？）唔好嘥錢啦！啲花好貴，買棵菜啦，仲可以打邊爐。」
另外，羅仲謙出席《西遊記之大鬧天宮》慶功宴時被問到情人節會準備甚麼驚喜給女友楊怡？他謂：「簡單啲啦！叫多啲人一齊咪驚喜，唔需要浪漫啦！（老夫老妻？）唔係，嗰日我休息，佢要開工！（禮物？）情人節唔止送禮物畀一個人，個個都送係禮貌！」。
文：影視組